24 proiektuk 2018ko Artista Gazteen Topaketetan parte hartuko dute, arte eszeniko, musika eta moda-diseinu modalitateetan

2018/09/14

Nafarroako Kirolaren eta Gazteriaren Institutuak antolatutako 2018ko Artista Gazteen Topaketak 10 proiektu izanen ditu Arte Eszenikoen modalitatean, 6 talde Musiken modalitatean eta 8 proiektu Moda Diseinuaren kategorian.

Irailaren 28tik aurrera, eztabaidak, tailerrak eta tutoretzak antolatuko dira epaimahaiak osatzen dituzten pertsonen partaidetzaz. Jardun artistikoa, artea ekoizteko esparruak eta artearen prozesuak eta ikerketa bistaratu eta horiei buruz hausnarketa egitea xede duen prozesu honen ondoren, urriaren 17an, ezagutzera emango dira saritutako lanak, Zentral aretoan antolatuko den bukaerako topaketa baten bidez.

Arte eszenikoetako proiektuak

Arte Eszenikoen arloan, hauexek dira proiektuak aurkeztu dituzten 10 taldeak: Lilura Teatro, “Lamentablemente bien, un oculto cabaret” obrarekin; Nueva Babel, “La piedra oscura” antzezlanarekin; Arianna Corominas Vicente, “Contempole Roxanne” delakoarekin; Sara Gallardo Konpainia, “Aire, fuego y tierra” lanarekin; Tribu Show, “Tribu show” proposamenarekin; NUPeko antzerki-taldea, “Superhéroes de barrio” obrarekin; Zirkus Blai, “Consciencia” izenburukoarekin; Teatrolari, “Improvisto” lanarekin; Julia Ugarte Arbizu, “Tesseract” obrarekin; eta NYMPHS, “Meet” delakoarekin.

Hauexek izango dira epaimahaiko kideak: Carmen Larraz, dantzan aditua eta Danzad, Danzad Malditos jaialdiko zuzendaria; Oier Zuñiga, antzerkiaren arloko aditua; eta Ainhoa Juaniz, zirkuaren munduko erreferentea.

Musikak

Musiken modalitatean, honako hauek parte hartuko dute: Kimera, “Bihotzaren Melodía y con fuego” piezarekin; Hegaz, “Hegoak loratuz, arima zabaldu” delakoarekin; Adrián y los Albéniz, “Catarsis” lanarekin; Hey! Bastian, “Será siempre tarde/Ahora” proposamenarekin; Impacto, “Es tiempo de rock and roll” izenburuko kantuarekin; eta Cobardes, nahiz eta oraindik ez duten ezagutzera eman abestu beharreko kantua. Hauexek izango dira epaimahaiko kideak: Alen Ayerdi, musika sustatzailea eta Marea taldeko kidea; Iñaki Llarena, Nafarroako Unibertsitateko irakaslea eta diskoen edizio eta grabazioen kudeatzailea, eta Fernando Garayoa, musika kritikaria.

Moda diseinua

Zortzi bilduma hauek aurkeztuko dira: “The Project”, Julia Velázquez Charrorena; “Untiled”, Jon Mikeo Ezcurdiarena; “Oswalt”, Elena Ruiz de Erenchunena; “Reinona” Mario Molinet Maezturena; “Fallen Leaves”, Adur Macho Itarterena; “Frente al espejo”, Ane Echegaray Elgorriagarena; “Colección nº1 Evoke”, Oihane Etxarri Zabaletarena, eta “Oreka”, Nerea Egozcue Altunarena. Epaimahaiko kideak hauexek izango dira: Ara Rodríguez, Dejavú Models-ekoa, eta Itxaso Mitxitorena, moda kazetaria.

Agenda: Arte Eszenikoak, Musikak eta Moda-Diseinua

Hautaturiko lan guztien egileek dagozkien epaimahaien aurrean aurkeztu beharko dituzte. Era berean, hainbat topaketa antolatuko dira arte garaikideko kontzeptuei buruz, eta publikoari irekitako jardunaldien bitartez, hautaturiko artistek interesak, kezkak eta beharrak partekatzeko aukera izanen dute.

Ostiralean, urriak 5, kontzertuak Garazi Tabernan eginen dira (Iruñeko Calderería kalean), Cobardes eta Kimera taldeekin; urriaren 12an La Carboneran Hey! Bastian eta Adrian y los Albéniz taldeekin, eta urriaren 13an, Cavas Disco tabernan (Iruñeko Labrit kalean), Hegaz eta Impacto taldeekin, musiken kategoriako finalerdietarako hautaketa egiteko. Era berean, urriaren 5, 6 eta 7an, musika tailerrak antolatuko dira Uharteko Arte Garaikideko Zentroan (UAGZ).

Astelehenetik ostegunera, urriak 8-11, arte eszenikoen modalitateko ikuskizunak aurkeztuko dira. Civivox San Jorgen, urriaren 8an, Arianna Corominas, Nymphs eta Teatrolari; hilaren 9an, Nafarroako Antzerki Eskolan, Nueva Babel eta NUPeko antzerki-taldea; asteazkenean, hilak 10, Julia Ugarte, Tribu Show eta Lilura Teatro; eta ostegunean, urriak 11, Civivox Iturraman, Sandra Gayardo Konpainia eta Zirkuz blai. Ostiralean, urriak 12, “Corriente alterna - Buscando la ‘chispa’ creativa” deritzon tailerrak eginen da Uharteko Arte Garaikideko Zentroan.

Bestetik, moda diseinuaren kategorian hautaturikoek hainbat tailer eta jarduera izanen dituzte Baluarten urriaren 12an. Egun berean, musiken modalitateko finalerdietarako beste hautaketa bat egingo da La Carbonera tabernan (Iruñeko Erriberri kalean) antolatutako kontzertu baten bidez, eta gauza bera egingo da biharamunean Cavas Disco tabernan.

Azkenik, urriaren 17an, musika modalitateko finala egin eta sarituak emango dira ezagutzera Iruñeko Zentral aretoan antolatutako topaketa artistiko baten bidez, 2018ko Artista Gazteen Topeketei bukaera emanez.

24 proiektuk 2018ko Artista Gazteen Topaketetan parte hartuko dute, arte eszeniko, musika eta moda-diseinu modalitateetan

Zerrendara itzuli

Bilatzailea

Gure buletinak
Kategoriak

DATU-BABESARI BURUZKO OINARRIZKO INFORMAZIOA

  • Arduraduna: Nafarroako Kirolaren eta Gazteriaren Institutua (Nafarroako Gobernua)
  • Helburua: Nafarroako Kirolaren eta Gazteriaren Institutuko alorretatik programatzen diren jarduera eta ekitaldien gainean aldian aldiko informazioa jasotzea.
  • Legitimazioa: Interesatuaren baimena.
  • Hartzaileak: Datuak ez dira beste inoren eskuetara pasako legearen araberako eskaririk jaso ezean, edota horien esleitzea helburua betetzeko beharrezkoa geratzen bada.
  • Eskubideak: Datuak jaso, aldatu edota borratzeko zein informazio gehigarrian agertzen denaren araberako eskubideak dituzu.
  • Informazio gehigarria: Datuen Babeserako informazio gehiago hemen kontsulta dezakezu.