2018ko Gazte Boluntarioendako Auzolandegiak

Nafarroako Gobernuak, Nafarroako Kirolaren eta Gazteriaren Institutuaren bitartez eta beste autonomia erkidegoekin eta Nazioarteko Boluntarioen Zerbitzuarekin (NBZ) batera, bultzatu egiten du Nafarroako gazte boluntarioen parte-hartzea hainbat modalitate eta tokitan egiten diren auzolandegietan.

Uda honetan elkartasun jarduera batean lagundu nahi baduzu, boluntarioendako auzolandegi batean parte hartzen ahal duzu. Jarduera hauen helburua da bizikidetza, tolerantzia eta lankidetza espiritua indartzea eta gazteen esku jartzea eremu desberdinetako kultura, historia eta ohiturak, eta naturarekiko harremana bilatzea, ingurumen eta kirol jardueren bidez.

Boluntarioendako auzolandegiak ikuspegi soziala duten proiektuak dira, hainbat jatorritako gazteek borondatezko lanarekin eta eskuzabaltasunez garatuak. Haietan beste herrialde batzuetako gazteen pentsamoldea eta bizimodua ezagutzen ahal duzu, eta zure laguntzari esker, beste herrialde batzuetako neska-mutilekin batera, bultzada ematen ahalko diezu zenbait elkartasun-proiekturi. Auzolanaren egitekoarekin batera, aisia eta kultura jarduerak egiten dira, bizikidetza, elkartasun eta tolerantzia balioetan oinarritutako esperientzia bat bizitzeko aukera eskainiz.

 

1. Aurreinskripzioa

Apirilaren 3tik 17ra, bakarrik on line, ondoko estekan:

PREINSKRIPZIOA EGITEAN EZ DA PLAZA AUKERATZEN.

Hauek gehitu beharko dira:

  • NANa (Nafarroatik Kanpo jaiotako pertsonek Nafarroako errolda-ziurtagiria aurkeztu behar dute)
  • Osasun txartela
  • Adingabeentzat, arduradunaren baimena.

 

2. Zozketa

Apirilaren 18an, 10:00etan

Zozketaren emaitzak emanen du plazak hautatzeko ordena eta inskribaturiko pertsona bakoitzak mezu bat hartuko du bere inskripzioa on line gauzatzeko data eta ordua jakinaraziko dizkiona.

  Zozketaren emaitza deskargatu

 

3. Plazen hautapena

Apirilaren 23an hasiko da, aurreinskripzioa egin duten gazteendako.
Plaza hautatzean zehaztuko dira inskripzioa burutzeko egin beharreko urratsak (ordaintzeko era…)

  Plaza-zerrenda deskargatu

 

4. Libre gelditutako plazen hautapena

Aurreinskripzioa egindakoek lehentasuna izanen dute erreserbarako epe horretan, baina hura iraganik, apirilaren 30etik maiatzaren 24ra aitzina libreki edozein gazte naparra inskribatzeko epea izango da, plazak agortu arte.

Ordaintzeko era:

  • Plazak euskaraz, Nafarroan eta Autonomia Erkidegoetan
    Plazak eskatzen du kopuru bat sartzea, eta horren frogagiri irakurgarria aurkeztu beharko duzu 24 orduko epean, plaza berresteko; bestela, automatikoki aske geratuko da.
     
  • Plazak atzerrian
    Gazteria Zuzendariordetzagatik pasatzeak eskatzen dizugu izen-ematea zehazteko 24 orduko epean.
    Bestela, automatikoki aske geratuko da.

    Yanguas y Miranda kalea, 27 - beheko solairua. 31003 Iruñea.
    Telefonoa: 848 42 390 00
    Ordutegia: 8:00-etatik 14:00-etara

 

5. Bigarren aukera

4. puntuan azaldutako epea bukatuta, inskripzioa egiteko beste bat (sarbide irekia) hasiko da bai Autonomia Erkidegoetan eta Nafarroan bai atzerrian gelditutako plaza libreetarako.

Bigarren aukera atzerriko plazetarako: maiatzaren 23tik 25era.

Bigarren aukera autonomia erkidegoetako plazetarako: ekainaren 4tik aitzina.

Estatuko Auzolandegietako plaza libreak kontsultatzeko jarraitu honako urrats hauek:

  • Aztertu plaza libreak, datak eta lekuak esteka honetan
  • Zure eskaera bidaltzeko sakatu Izena eman botoia.
  • camposdetrabajo@navarra.es posta elektronikotik nahi duzun auzolandegietako argibide-fitxa jasoko dituzu.

Inskripzioa egiteak ez dizu plaza ziurtatzen. Izan ere, fase honetan plaza bakoitza ez dagokio Erkidego zehatz bati. Libre dauden plazak Autonomia Erkidego guztietan aukeratu daitezke ekainaren 4a arte. Egun horretatik aurrera zurekin harremanetan jarriko gara zure inskripzioa egin daitekeen esateko.

Zurekin harremanetan jarriko gara jarraitzeko pausoak egiaztatzeko.

KONTAKTUA:

 

BOLUNTARIOTZA JARDUEREN EZAUGARRIAK

Kasuan kasuko erakundeek zehazten dituzten tokietan hartuko da ostatu, besteak beste, aterpetxeetan, gazte edo turismo kanpalekuetan, egoitzetan, etab., baita bestelako instalazioetan ere, jarduerak iraun bitartean horretarako egokituak daudenetan.

Jardueren deskribapenean parte-hartze kuotak zehaztuko dira, ostatua, mantenu osoa eta jarduera osagarriak barne hartuz. Ez da barne hartuko destinoko tokira iristeko bidaia.

Beste herrialde batzuetan egindako auzolandegien kasuan kuotak ez du bisaturik, txertorik edo istripu asegururik barne hartzen (PARTE-HARTZAILEAK DERRIGORREZ CONTRATATU BEHAR DITUENA).

 

NAZIOARTEKO AUZOLANDEGIETAN PARTE HARTZEKO OINARRIAK
Nazioarteko Boluntariotza Zerbitzua (NBZ)

NAFARROAK PLAZA BAKARRA ESKAINTZEN DU ATZERRIKO AUZOLANDEGI BAKOITZEAN:

Plaza esleituko da auzolandegiaren ardura duen elkarteak berrespen gutuna igortzen duenean.

Atzerriko auzolandegian eskaintzen ditugun plazek Nazioarte Boluntariotza Erakundeen Aliantzako kide diren elkarteen arteko trukean dute jatorria. Aliantza horretako kide da INJUVE, autonomia erkidego eta hirien izenean.

Zenbait kasutan, auzolandegiko baldintzak deserosotasun maila bat izan dezakete, ostatua etxeetan, kanpalekuetan edo bestelako instalazioetan delako.

Gerta daiteke auzolandegia hiritik urrun egotea edo bestelako kultura bat duten herrietan egitea eta, horren ondorioz, gure jatorrizko herrialdeetakotik bestelako laneko baldintza, ordutegi edo giroetara egokitu behar izatea. Zure erantzukizuna da ebaluatzea zein den egokitzeko duzun gaitasuna, baldintzak eta balizko desberdintasun kulturalak onartuz eta errespetatuz.

Auzolandegi batean parte hartzeak ez du barne hartzen proiektua garatuko den tokirako joan-etorriko garraioa, bisaturik, txertorik edo istripu asegururik (PARTE-HARTZAILEAK DERRIGORREZ CONTRATATU BEHAR DITUENA).

Auzolandegian eginen da aparteko kuotaren ordainketa.

Bilatzailea

Gure buletinak
Gazteria
Gazte Txartela

DATU-BABESAREI BURUZKO OINARRIZKO INFORMAZIOA

  • Arduraduna: Nafarroako Kirolaren eta Gazteriaren Institutua (Nafarroako Gobernua)
  • Helburua: Nafarroako Kirolaren eta Gazteriaren Institutuko alorretatik programatzen diren jarduera eta ekitaldien gainean aldian aldiko informazioa jasotzea.
  • Legitimazioa: Consentimiento del interesado.
  • Hartzaileak: Los datos no se cederán a terceros salvo obligación legal o que la cesión sea necesaria para el cumplimiento de la finalidad.
  • Derechos: A acceder, rectificar y suprimir los datos, así como otros derechos detallados en la información adicional.
  • Informazio gehigarria: Puede consultar la información adicional y detallada sobre Protección de Datos aquí.